ظلع الزهره وطبرة حيدر ------------------ وفكد اخوتها بسم ومنحر
فكدت زينب هالأقمار ------------------------ بعد المرسول المختار
شتتحمل زينب بعد اكثر
زينب ألأحزان تعزيها -------------------- وتجبر خاطرها ألأحزان
بأول هم الي واكبها -------------------- من ما ت الهادي العدنان
وحزن الثاني الي مر بيها ---------------- هظم الزهره من العدوان
وامها الزهره من تنا ديها ------------------- بظلوعي التهبت نيران
من المسمار الي صوبني --------------- بيه من طاح المحسن ابني
هالنار البضلوعي التسعر
بعد الهادي وبعد الزهره -------------------- صابوا حيدر بالمحراب
ولمن صابه الباغي بغدره ----------------- بدمه تخظب داحي الباب
ومن شافت بالهامه الطبره --------------- زينب صاحت كّلبي انعاب
بكَلبي صوابك يابو العتره ----------------- وريت بدالك كَلبي انعاب
بويه اخلآفك شيصبرني ------------------ يا بويه وياهو اليجبرني
ومنهو يواسيني من اتحسر
ام ألأحزان الي عاشت -------------------- بين الدمعه وبين الشده
فكَدة جدها وامها وشافت ------------------- والدها المظلوم بالحده
وهالأحزان المره انعادت -------------- من طاح الحسن بسم جعده
زينب نادت خويه وناحت ----------------- لمن شافت وصلت جبده
يبن امي وجبدك المكَطع ---------------- لو شافه المرسول اتروع
يبن امي وآنه شلون اصبر
بين العبره وبين الدمعه ------------------ زينب مفجوعه بكل يوم
تذكر جدهه وظلع البضعه -------------- وتذكر طبره وسم مسموم
وتسمع بحكام اهل البدعه ---------------- وتتطلع صوب المظلوم
ولن صوت حسين الي تسمعه ------------ يكَل عباس الحربك كَوم
اصبح دينك يا عباس ------------------- ضايع بحكام ألأرجاس
وبالكيف القرءآن تفسر
صاحت بويه حسين احتاجك ------------- وينك يا حيدر يا بويه
ونادت خويه حسين بهونك ------------- لآ تفجعني بنفسك خويه
بجدك وامك خويه وعودك ------------- شيتحمل كَلبي شجم جويه
والسم الي صاب ابن امك ---------------- مو هين يا خويه اعليه
يحسين ولو مني تروح --------------- خويه تروح وياك الروح
وبعدك عيني عليمن تنظر
ابوا حسن الحسيني
الثلاثاء نوفمبر 10, 2009 5:51 pm